Qorshe
Ismaamul Goboleed loogu sameynayo Ilaa Lix Gobol oo ku yaal
Koonfurta Soomaaliya ayaa ka socda Magaalada Baydhabo.
Waxaa si xoogan Magaalada
Baydhabo uga soconaya qorshayaal balaaran oo lagu doonayo in Ilaa
Lix gobol Ismaamul Goboleed loogu dhiso.
Qorshahan siyaasadeed ayaa waxaa wada Xildhibaanada
ka soo jeeda Ilaa Lix Gobol oo ku yaala Koonfur
Soomaaliya, kuwaasoo doonaya in ay dib usoo
nooleeyeen Maamul Goboleedkii Koonfur Galbeed ee Soomaaliya.
Magaalada Baydhabo oo ay shalay kulan xasaasi ah ku yeesheen 100
ruux oo ka soo jeeda lixdaasi gobol ayay
kaga hadleen arrimo dhowr ah oo ay ku jirto sidii ay
isu cafin lahaayeen, isla markaana ugu midoobi
lahaayeen dhismaha Maamul Goboleedkaas.
Guddoomiyaha Baarlamaanka Sheekh Aadan Madoobe
ayaa waxaa uu sheegay in loo baahan yahay in dib loo
soo nooleeyo Dowlad goboleedkii Koonfur Galbeed
mar uu ka qeyb galay Kulan ay yeesheen Xildhibaanada
ka soo jeeda Lix Gobol.
Gobolada Baay, Bakool, Jubada Hoose, Jubada Dhexe
iyo Sh/Hoose ayaa la sheegay in la doonayo in maamul
loogu dhawaaqo, kaasoo loogu magac darayo Maamul Goboleedka
Koonfur Galbeed Soomaaliya, oo horay
madax uga ahaan jiray Shaati Gaduud oo hada ah
Xildhibaan ka tirsan Baarlamaanka.
Xildhibaanada ka soo jeeda Goboladaas ayaa doonaya
in si meesha looga saaro is jiid jiidka Maamulada in Goboladaas
loo sameeyo hal hogaan oo isku dhaf ah.
Xigasho:allPuntland
Ciidamo
Itoobiyaan ah oo buux dhaafiyay Balad Weyne,iyo Yuusuf Daba
Geed oo hub ka dhigis ay
ku sameeyeen.
Ciidamadaasi oo ku
hubeysan hubka nuuyadiisa kala
duwan ayaa degay xarumaha Saldhiga Booliska iyo tan
Gobolka halkaasi oo ay dhufeysyo xoog badan ka galeen
marka laga soo tago labada buundo ee magaalada ee
Buunda weyn iyo Liiq liiqato oo iyana ay dhufeysyo kaga
jiraan.
Ciidamada itoopiyaanka
oo looga bartay Meelaha ay
tagaan in ay shacabka ku gumaadaan ayaa shacabka
beledweyne ku dhaqan ka muuqataa cabsi aad u daran.
Dhinaca kale
Ciidamadaasi Itoobiyaanka ayaa hub ka
dhigis ku sameeyeen Gudoomiyihii xilka laga qaaday
Yusuf Dabageed. Hadalo uu kol hore jeediyey Yusuf dabageed
ayaa ku adkeysanayey in uu weli asagu yahay godoomiyaha
gobolkaasi hiiraan laakin Maanta ay ciidamadaasi itoopiya
ay hubkii kala wareegeen iyaga
oo u gogol xaaraya godoomiyaha cusub ee dowlada u
soo magacowday gobolka markii uu yusuf dabageed uu
wax kaqaban waayey amaanka gobolka.
